Спорт i турызм
У выпускнікоў спартшколы вялікае будучае: Іван Крупко наведаў Чачэрскую ДЮСШ
17.10.2023
Футбол, баскетбол, вольная барацьба, лёгкая атлетыка, плаванне і дзюдо – у мясцовай спартшколе займаюцца 296 чалавек.
Адзін з самых масавых напрамкаў – дзюдо, ў гэтым відзе спорту хлопцы з Чачэрска займаюць прызавыя месцы ў індывідуальным і камандным заліках. Сёлета ў Ізраілі Андрэй Селіванаў заняў другое месца на сусветным першынстве, саступіўшы толькі расіяніну ,– выдатны вынік для Беларусі.
Развіваюць у райцэнтры і футбол, выпускнікі ДЮСШ рэгулярна трапляюць у нацыянальную зборную.
Са спартсменамі Іван Крупко абмеркаваў неабходнасць будаўніцтва новага футбольнага поля. Мясцовыя ўлады прапануюць стварыць шматфункцыянальную пляцоўку.
– Падрыхтуйце праект, прадугледзьце ўсе дэталі. Прастора павінна быць задзейнічана і ў зімовы, і ў летні перыяд. Прапануйце сваю канцэпцыю. Будзем думаць, як праінвеставаць вашы ідэі, – запрашае да супрацоўніцтва старшыня аблвыканкама.
Акрамя таго, Іван Крупко запатрабаваў вырашыць пытанне з пераводам выпускнікоў школы ў мясцовыя футбольныя каманды Гомеля і Мазыра: нельга страчваць сваіх рабят і замяняць іх замежнікамі, упэўнены кіраўнік рэгіёна.