Спорт i турызм
Прыязджаюць нават з іншых раёнаў: старшыня аблвыканкама Іван Крупко наведаў ДЮСШ Брагінскага раёна
30.04.2025
З 2019 года дзіцяча-юнацкая спартыўная школа Брагінскага раёна працуе ў абноўленым будынку, паблізу ёсць патрэбная трэніровачная база ў выглядзе бегавой дарожкі, футбольнага поля, трэнажорнай пляцоўкі.
Губернатару расказалі аб напрамках, якія культывуюць на Брагіншчыне. Гэта чатыры віды спорту: футбол, лёгкая і цяжкая атлетыка, вольная барацьба.
Толькі за чатыры гады ў раёне падрыхтавалі майстра спорту Рэспублікі Беларусь, двух кандыдатаў у майстры спорту. Выконваецца таксама план падрыхтоўкі спартсменаў-разраднікаў.
У ДЮСШ Брагіна прыязджаюць спартсмены з іншых раёнаў, многія займаюцца па абанеменце.