Гандбалісткі "Гомеля" і "БНТУ-БелАЗа" выйшлі ў фінал Кубка Беларусі

У Брэсце вызначыліся фіналісткі 27-га розыгрышу Кубка Беларусі па гандболе сярод жаночых каманд, паведамляе карэспандэнт БЕЛТА.

У першым паўфінале цяперашнія ўладальніцы Кубка краіны гандбалісткі "Гомеля" перайгралі гродзенскую "Гараднічанку" з лікам 30:24.

У другім матчы за выхад у фінал "БНТУ-БелАЗ" разграміў брэсцкі клуб "Вікторыя-Бярэсце" з перавагай у 10 мячоў - 33:23.

Такім чынам, на паркеце спарткомплексу "Вікторыя" ў вырашальным паядынку "БНТУ-БелАЗ" сустрэнецца з "Гомелем". Год таму ў фінале гамяльчанкі адолелі мінчанак з лікам 31:29. У матчы за бронзавыя ўзнагароды цяперашняга кубкавага розыгрышу "Вікторыя-Бярэсце" паспрачаецца з "Гараднічанкай".

Гандбалісткі "БНТУ-БелАЗа" 16 разоў выйгравалі Кубак Беларусі, у "Гомеля" восем перамог, у тым ліку пяць апошніх сезонаў запар, двойчы трафей брала "Гараднічанка".

У мужчын "Фінал чатырох" пройдзе 22-23 мая ў мінскім спарткомплексе "Уручча".