Грамадства
Засталіся апошнія штрыхі: музей у Чырвоным Беразе амаль пабудаваны
27.08.2024
Старшыня аблвыканкама Іван Крупко праінспектаваў ход работ.
Мемарыял "Дзецям – ахвярам Вялікай Айчыннай вайны" ўжо адрамантаваны, на цэнтральнай плошчы Сонца перакладзена плітка, абноўлены парты, вітражы. Яблыневы сад таксама змяніўся: старыя хворыя дрэвы прыбраны, замест іх з'явіліся саджанцы.
Што тычыцца музея, ён узведзены, зараз праводзіцца абліцоўванне і ўнутранае аздабленне. Гатоўнасць – каля 80%. Вядуцца добраўпарадкаванне, знадворныя сеткі электразабеспячэння.
Будаўніча-мантажныя работы плануюць завяршыць да сярэдзіны верасня, пасля чаго музейныя работнікі пачнуць афармленне экспазіцыі.
Усё павінна быць гатова ў нарматыўныя тэрміны, падкрэсліў Іван Крупко.