Зараз афіцыйна: Гомель атрымаў ключ моладзевай сталіцы Беларусі

Урачыстая цырымонія адкрыцця рэспубліканскага свята «Гомель – маладзёжная сталіца Рэспублікі Беларусь – 2025» прайшла у абласным цэнтры з удзелам старшыні аблвыканкама Івана Крупко і міністра адукацыі Андрэя Іванца. 

Падобны маладзёжны форум праходзіць у нашай краіне дзясяты раз. У фае ОКЦ свой вопыт прадставілі ўсе моладзевыя сталіцы Беларусі папярэдніх гадоў.

– Маладосць – час пазітыўнага развіцця і самаўдасканалення, жаданняў і крэатыўных ідэй, пошуку і бязмежных магчымасцяў, якія адкрывае вам наша любімая Беларусь. Мы ўважліва слухаем вашы запыты і ідэі: толькі за мінулы год на Гомельшчыне правялі пяць моладзевых форумаў. Мне падабаецца шырата вашых поглядаў, непадробную цікавасць да таго, што адбываецца ў нашай вобласці, вашы ініцыятывы і праекты – а іх вельмі шмат, – падкрэсліў губернатар. 

Моладзь Гомельшчыны ўдзельнічае ў рэканструкцыі мемарыяльных комплексаў на тэрыторыі паўднёва-ўсходняга рэгіёна, прапануе стварэнне новых аб'яднанняў і клубаў, уносіць важкі ўклад у развіццё і росквіт Беларусі. За ўсё гэта Іван Крупко падзякаваў новаму пакаленню. 

Урачыстая цырымонія завяршылася перадачай Гомелю ключа моладзевай сталіцы ад Брэста. Сімвалічны знак старшыні Гомельскага гарвыканкама Уладзіміру Прывалаву перадаў старшыня Брэсцкага гарадскога Савета дэпутатаў Андрэй Філановіч.

– Упэўнены, што на гэты год Гомель стане горадам моладзі, магчымасцяў, рэалізацыі ўсіх задумак. Моладзі ў нашай краіне надаецца асаблівая ўвага. У вас ёсць усе магчымасці, каб атрымаць якасную адукацыю, раскрыць свой творчы, інтэлектуальны, спартыўны патэнцыял, рэалізаваць тыя ідэі, якія вы генерыруеце. Усё ў вашых руках! – даў наказ міністр адукацыі Андрэй Іванец.  

Кіраўнік ведамства выказаў упэўненасць, што моладзь нашай краіны ў год Вялікай Перамогі ўнясе свой уклад у захаванне гістарычнай памяці і незалежнасці Беларусі.