Грамадства
У штабе аблвыканкама ўчора абмеркавалі ход работ па ліквідацыі наступстваў урагану
07.08.2024
Як адзначыў старшыня абласнога выканаўчага камітэта Іван Крупко, на Гомельшчыне выпрацаваны дакладныя падыходы да фінансавання рамонтных работ.
Брыгад і матэрыялаў у раёнах хапае, хоць на месцах прыцягваць дадатковыя сілы ўсё ж даводзіцца. У першую чаргу аднаўляюцца аб'екты сацыяльнай сферы, дзе работы ўжо завяршаюцца, і аб'екты АПК.
Ад дрэў і галін расчышчаны практычна ўсе могілкі рэгіёна, дзе-нідзе застаюцца высокія дрэвы, на якіх працуюць прамысловыя альпіністы.
Асаблівая ўвага надаецца пацярпеламу лясному фонду. Пасадка насаджэнняў пройдзе ў тры этапы: гэтай восенню, вясной і восенню 2025-га. Такім чынам, да канца наступнага года пытанне адраджэння лясоў павінна быць закрыта.