У Гомелі прайшла сесія абласнога Савета дэпутатаў дваццаць дзевятага склікання

На пасяджэнні разгледзелі дванаццаць пытанняў. Узначаліла работу сесіі член Савета Рэспублікі, старшыня абласнога Савета дэпутатаў Кацярына Зянкевіч.

У прыватнасці, унесены карэкціроўкі ў рэгіянальныя нарматыўна-прававыя акты ў сферы гандлю і паслуг, звязаныя са змяненнямі ў заканадаўстве. Асобныя дакументы прыведзены ў адпаведнасць з пастановамі вышэйстаячых органаў. Спрошчаны парадак закупкі некаторых будаўнічых тавараў і матэрыялаў, што аблегчыць дзейнасць галіновых прадпрыемстваў.

Дэпутацкі корпус падтрымаў таксама шэраг рашэнняў для павышэння эфектыўнасці рэалізацыі дзяржаўных праграм. Напрыклад, прыняты дадатковыя меры для развіцця аграпрамысловага комплексу, укаранення аўтаматызаваных сістэм, зацверджаны дадатковы план мерапрыемстваў у сферы аховы навакольнага асяроддзя.

У пасяджэнні прынялі ўдзел члены Савета Рэспублікі, абласнога выканаўчага камітэта.