У Гомелі адзначылі работнікаў лесагаспадарчай галіны, якія ўнеслі значны ўклад у ліквідацыю наступстваў летняга ўрагану

Урачыстая цырымонія прайшла ў Доме прафсаюзаў.

Першы намеснік старшыні аблвыканкама Дзмітрый Петражыцкі напомніў, што 14 ліпеня жыхарам Гомельшчыны давялося сутыкнуцца са стыхіяй, ад якой пацярпела вялікая частка рэгіёна.

– Дзякуючы намаганням жыхароў вобласці і работнікам мясцовых лясгасаў мы змаглі пераадолець выклік прыроды. Зразумела, немагчыма навучыцца спраўляцца са стыхіяй, але зараз нашы людзі гатовы да яе наступстваў. Зроблена вялікая праца, і мы вылучаем тых, хто паказаў асобную самаадданасць, – падкрэсліў Дзмітрый Петражыцкі.

Генеральны дырэктар РУП «Гомельэнерга» Міхаіл Каваленка расказаў, што за 17 хвілін ураганам былі пашкоджаны і адключаны 12 500 кіламетраў электрасетак. Тады супрацоўнікі лясгасаў у тэрміновым парадку выйшлі на дапамогу, у тым ліку для ачысткі дарог, каб энергетыкі змаглі дабрацца да абясточаных населеных пунктаў.

– Вы для мяне не чужыя людзі, бо мой бацька больш за 40 гадоў адпрацаваў у Акцябрскім лясгасе. Нашы супрацоўнікі таксама прынялі актыўны ўдзел у пасадцы новых дрэваў у пацярпелых лясах Гомельшчыны, – звярнуўся да гасцей цырымоніі Міхаіл Каваленка.

Да ўзнагарод былі прадстаўлены звыш за 60 чалавек, яны ўдастоены падзяк, ганаровых грамат і нагрудных знакаў дзяржаўнага вытворчага аб'яднання электраэнергетыкі «Белэнерга».