Работнікі Хойніцкага завода ЖБВ прадставілі губернатару Івану Крупко эксперыментальны дом для шматдзетнай сям'і

Тры пакоі, абедзенная зала, кухня, два санвузлы, гардэробная, асобная топачная, вялікі склеп з магчымасцю ўладкавання трэнажорнай залы або майстэрні – пасля падводу камунікацый мантаж дома плошчай 113 квадратных метраў з панэляў завода вырабляецца за тыдзень. Пасля аддзелачных работ ён будзе выстаўлены на продаж. 

Пры ўмове попыту будаўнікі гатовы ўзводзіць такія збудаванні не толькі ў Гомельскай, але і ў іншых абласцях. 

Губернатар падкрэсліў, што падобныя індывідуальныя дамы будуць запатрабаваны на рынку:

– Прадумайце некалькі варыянтаў па кошце: з іншай канструкцыяй даху і падвала, меншай плошчы.