Продажы айчынных тавараў у Беларусі выраслі ў II квартале

Продажы айчынных тавараў у Беларусі выраслі ў другім квартале 2025 года, паведамілі БЕЛТА ў прэс-службе Міністэрства антыманапольнага рэгулявання і гандлю.

"У другім квартале назіраецца рост продажаў айчынных тавараў на 1,1 працэнтнага пункта ў агульным аб'ёме продажаў у параўнанні з першым кварталам. Асабліва прыкметны рост у сегменце харчовых тавараў: цукрыстыя вырабы (плюс 4,4 працэнтнага пункта), шакалад (плюс 5,3 працэнтнага пункта), мучныя кандытарскія вырабы (плюс 2 працэнтныя пункты), мінеральная вада (плюс 2,3 працэнтнага пункта), фруктовыя і агароднінныя сокі (плюс 1,8 працэнтнага пункта)", - адзначылі ў прэс-службе.

Сярод нехарчовых тавараў у тройцы лідараў: цэмент - рост на 6,1 працэнтнага пункта (да 90,5 працэнта), ніжняя бялізна - на 8,6 працэнтнага пункта (да 39,5 працэнта), панчошна-шкарпэтачныя вырабы - на 36,4 працэнтнага пункта (да 67,1 працэнта).

Сярод прымаемых мер - актыўная работа па пагадненні аб супрацоўніцтве ў галіне павышэння эфектыўнасці продажаў тавараў айчыннай вытворчасці. Да яго далучылася больш як 440 суб'ектаў - прамысловыя прадпрыемствы, гандлёвыя арганізацыі, бізнес-саюзы і інш.