Мы ў мірнай абстаноўцы павінны наладжваць сувязі, развіваць свае краіны: губернатар Іван Крупко пагутарыў з кітайскімі журналістамі

Па выніках візіту ў горад Чанчунь вырашана падрыхтаваць пагадненне аб заключэнні пабрацімскіх сувязяў Гомельскай вобласці і правінцыі Цзілінь. Пра гэта кітайскім журналістам расказаў старшыня аблвыканкама Іван Крупко.

– Пры ўдзеле КНР у Гомельскай вобласці створана дзве юрыдычныя асобы па будаўніцтве хуткаўзведзеных дамакамплектаў з металаканструкцый, а таксама па перапрацоўцы дзікаросаў, якія будуць збірацца ў Беларусі. Абмяркоўваецца таксама праект па стварэнні вытворчасці аўтамабіляў, цяпер разглядаюцца ўсе фактары і магчымасці. Трыццаць гадоў беларускі народ сябруе з Кітаем. Нашы дзяды і прадзеды заваявалі Вялікую Перамогу, а мы ў мірнай абстаноўцы павінны наладжваць сувязі, развіваць свае краіны, каб нашы народы жылі годна, – падкрэсліў губернатар.

Старшыня аблвыканкама адзначыў, што для далейшай цеснай работы бізнесу з двух рэгіёнаў неабходна стварыць цэнтры для абмену інфармацыяй, або свайго роду прадстаўніцтва. Як раз над гэтым зараз будуць працаваць Гомельская вобласць і правінцыя Цзілінь.