Месца сілы і дружбы: сталі вядомы пераможцы і прызёры спартакіяды працуючай моладзі на Кубак старшыні аблвыканкама

Узнагароды камандам уручыў губернатар Іван Крупко. Ён нагадаў, што спартакіяда праводзіцца па ініцыятыве моладзі Гомельшчыны, і выказаў упэўненасць, што спаборніцтвы стануць традыцыйнымі:

– Важна не толькі як вы працуеце, вучыцеся, але і як рэалізуюцца вашы ідэі. Здаровая нацыя – гэта развіццё і поспех дзяржавы. Для ўмацавання спартыўнай базы рэгіёна зроблена шмат: будуюцца новыя шматфункцыянальныя пляцоўкі, басейны, стадыёны, дзякуючы чаму ў раёнах вобласці з'яўляецца магчымасць праводзіць спаборніцтвы па самых розных відах спорту. Рады, што вы дабіваецеся вялікіх дасягненняў не толькі ў працы, але і ў спорце.

Кіраўнік рэгіёна пажадаў, каб кубак стаў адпраўным пунктам дружбы ўдзельнікаў. 

Трэцяе месца ў спартакіядзе заняла каманда Жлобінскага раёна, другое – Мазырскага. Абсалютным пераможцам стала дружына з Гомеля. У якасці падарунка ўдзельнікам уручылі туры па Гомельскай вобласці, Беларусі і расійскіх гарадах.