Гатоўнасць музея гісторыі ў Светлагорску пасля рэканструкцыі – 90%

Пра ход рэканструкцыі журналістам расказаў старшыня Светлагорскага райвыканкама Дзмітрый Шабетнік.

– Пачатак будаўніцтва музея быў пакладзены ў 2000-я, увесь гэты час ён функцыянаваў не на поўную магутнасць. У 2023 годзе звярнуліся да кіраўніка вобласці. Нам пайшлі насустрач і выдзелілі сродкі. З пачатку гэтага года будаўнікі Светлагорскага ДБК працуюць над давядзеннем аб'екта да поўнай гатоўнасці. У гэтым годзе ён будзе ўведзены ў эксплуатацыю, – назваў тэрміны Дзмітрый Шабетнік. 

Як адзначыў старшыня райвыканкама, жыхары горада атрымаюць аб'ект, які будзе адпавядаць усім сучасным патрабаванням. На будоўлі працуюць каля 20 чалавек, яны займаюцца апрацоўчымі работамі, добраўпарадкаваннем. 

– На аб'екце праводзіліся работы па ўладкаванні інжынерных камунікацый і прывядзенні іх у адпаведнасць сучасным нормам. Цяпер мы знаходзімся на этапе атрымання заключэнняў для ўводу памяшканняў у эксплуатацыю, – пералічвае дырэктар УКБ Светлагорскага раёна Аляксандр Казлоў. 

Будаўнікі абсталявалі пажарную сігналізацыю, водаправод, каналізацыю, правялі азеляненне. Па праекце крыху зменены дах для забеспячэння дымавыдалення. 

У снежні залы будуць гатовы, тады работнікі зоймуцца музеіфікацыяй, канцэпцыю прапрацоўваюць ужо цяпер.

– Музейныя работнікі з нецярпеннем чакаюць адкрыцця новых залаў, якія будуць цікавыя наведвальнікам – ад малых да людзей сярэбранага ўзросту. Залы будуць інтэрактыўныя і сучасныя, яны поўнасцю адлюструюць усе напрамкі дзейнасці жыцця Светлагоршчыны, – назвала вектар развіцця ўстановы дырэктар гісторыка-краязнаўчага музея Ірына Заяц.