17 жніўня споўнілася 83 гады з дня ўтварэння партызанскага атрада "Бальшавік", сфарміраванага на тэрыторыі Гомельшчыны

На мітынгу прадстаўнікі абласной і раённай вертыкалі ўлады, дэпутацкага корпуса, грамадскіх аб'яднанняў, працоўных калектываў, моладзь, жыхары і гасці са ўсёй вобласці аддалі даніну павагі партызанам і падпольшчыкам, якія абаранялі родную зямлю ад ворага. Да мемарыяльнага комплексу ўсклалі кветкі, хвілінай маўчання ўшанавалі памяць загінуўшых.

– Гэтая дата значная як гістарычная памяць, якую трэба захоўваць і перадаваць з пакалення ў пакаленне. Важна, каб моладзь, якая сёння тут прысутнічае, ведала пра важнасць месца і падзеі. Без гэтага не будзе будучыні. Бачым, да чаго прыводзіць перапісванне гісторыі і бяспамяцтва. Мы не павінны дапусціць гэтага на нашай роднай зямлі, – падкрэсліў старшыня камітэта ідэалагічнай работы і па справах моладзі Гомельскага аблвыканкама Дзяніс Язерскі.