Пытанне развіцця аграпрамысловага комплексу на Гомельшчыне абмеркавалі на пасяджэнні аблвыканкама

Пасяджэнне прайшло пад старшынствам губернатара Івана Крупко. Удзел прынялі памочнік Прэзідэнта – інспектар па Гомельскай вобласці Юрый Горлаў і член Савета Рэспублікі, старшыня абласнога Савета дэпутатаў Кацярына Зянкевіч.

Даручэнне кіраўнікам сельгасарганізацый ад старшыні аблвыканкама Івана Крупко – займацца аптымізацыяй статка на рэгулярнай аснове:

– Калі вы будзеце кантраляваць усе працэсы на кожнай ферме сваёй гаспадаркі, тады атрымаецца дакладна планаваць штомесячны прырост па вазе, надоях, выручцы.

Дзяржавай прыняты ўсе неабходныя рашэнні, каб эфектыўна працаваць у сферы АПК. У Гомельскай вобласці ёсць і дадатковыя магчымасці, адзначыў у рамках пасяджэння аблвыканкама памочнік Прэзідэнта – інспектар па Гомельскай вобласці. Юрый Горлаў падкрэсліў, што кожная гаспадарка павінна прадоўжыць работу па павышэнні якасці малака, захаванні чысціні на фермах, абслугоўванні абсталявання.

 

Немалаважным памочнік Прэзідэнта назваў і пытанне інвентарызацыі сельскагаспадарчай тэхнікі:

– Навядзіце парадак, што трэба аднавіце, нешта адрамантуйце, пры неабходнасці правядзіце спісанне з улікам выкарыстання кожнай магчымай дэталі.