Новага памочніка Прэзідэнта – інспектара па Гомельскай вобласці прадставілі мясцовай вертыкалі ўлады

Памочніка Прэзідэнта – інспектара па Гомельскай вобласці Юрыя Горлава падчас пасяджэння аблвыканкама прадставіў першы намеснік кіраўніка Адміністрацыі Прэзідэнта Максім Рыжанкоў і ўручыў яму службовае пасведчанне.

– Чалавек прайшоў усе ступені ад радавога заатэхніка да кіраўніка аднаго з буйных раёнаў Мінскай вобласці. Яго асабіста рэкамендаваў на гэту пасаду Леанід Заяц. Юрыя Мікалаевіча адрознівае высокая працаздольнасць, адказнасць і ўменне працаваць у камандзе, ён дабіўся высокіх паказчыкаў на папярэдняй пасадзе. Усе справы ён даварочвае да апошняй гайкі, – даў характарыстыку Максім Рыжанкоў.

Нагадаем, працоўную дзейнасць Юрый Горлаў пачынаў заатэхнікам у адной з гаспадарак Пухавіцкага раёна Мінскай вобласці. Працаваў у сферы АПК, у тым ліку начальнікам упраўлення сельскай гаспадаркі. У 2014 годзе ўзначаліў Стаўбцоўскі райвыканкам, у 2018-м прызначаны старшынёй Маладзечанскага райвыканкама Мінскай вобласці.

– Хачу падзякаваць за аказаны давер кіраўніку нашай дзяржавы, Адміністрацыі Прэзідэнта. Вядома, пасада адказная, перад намі стаяць напружаныя і сур'ёзныя задачы. Упэўнены, што з кожным мы знойдзем агульную мову і будзем вырашаць пытанні. Жадаў бы і ад вас зваротнай сувязі. Спадзяюся, на плённую сумесную працу, – выказаў упэўненасць Юрый Горлаў.

Калегу павіншаваў і старшыня аблвыканкама Іван Крупко: "Упэўнены, што праца атрымаецца зладжаная і будзе накіравана на вынік".