Начальнікам галоўнага ўпраўлення па ахове здароўя аблвыканкама назначаны Сяргей Белы

Пасведчанне кіраўніку ўручыў падчас апаратнай нарады губернатар Іван Крупко. Да гэтага Сяргей Белы займаў пасаду галоўнага санітарнага ўрача вобласці. 

Сяргей Аляксандравіч нарадзіўся ў Буда-Кашалёве ў 1981 годзе. Скончыў Беларускі дзяржаўны медыцынскі ўніверсітэт. 

Працоўную дзейнасць пачынаў урачом-стажорам аддзялення камунальнай гігіены Гомельскага абласнога цэнтра гігіены, эпідэміялогіі і грамадскага здароўя.

З 2006 па 2010 год працаваў урачом-гігіеністам аддзялення дзяржаўнай рэгламентацыі і рэгістрацыі, загадчыкам аддзялення камунальнай гігіены Гомельскага абласнога ЦГЭ і АЗ, з 2010 па 2011-ы – урачом гігіеністам санітарна-каранціннага пункта, загадчыкам санітарна-гігіенічнага аддзела Аддзяленчага цэнтра гігіены і эпідэміялогіі на станцыі Гомель-Цотны БЧ.

Са снежня 2020 года працаваў галоўным дзяржаўным санітарным урачом Гомельскай вобласці – галоўным урачом абласнога цэнтра гігіены, эпідэміялогіі і грамадскага здароўя.