На апаратнай нарадзе ў аблвыканкаме абмеркавалі работу са зваротамі грамадзян, капітальныя рамонты ў жылфондзе

Старшыня абласнога выканаўчага камітэта Іван Крупко акцэнтаваў увагу на абмежаванні доступу ў падвальныя і паддашкавыя памяшканні шматкватэрных дамоў.

Няма запорного прыстасавання – няма парадку

На Гомельшчыне ў шматкватэрным жылфондзе каля 13 тысяч уваходаў у падвальныя памяшканні, каля 9 тысяч выхадаў на дахі. У некаторых дамах ёсць яшчэ адасобленыя пляцоўкі смеццеправодаў. З надыходам халадоў стаіць задача пазбавіць гэтыя месцы ад захламленасці і, галоўнае, абмежаваць туды доступ.

 

Цяпер адказныя службы абследуюць увесь жылфонд, праводзяць тлумачальную работу з жыхарамі. Высветлілася, што адсутнасць запорных прыстасаванняў на дзвярах такіх памяшканняў у большасці выпадкаў звязана з дзейнасцю вандалаў.

Як падкрэсліў губернатар, пакідаць такія месцы безгаспадарчымі нельга ні ў якім выпадку, бо разам з рызыкай узнікнення пажараў, антысанітарыі існуе яшчэ тэрарыстычная пагроза. 

Разгледжаны таксама пытанні правядзення і захавання графікаў капітальных рамонтаў шматкватэрных дамоў. Сярод пазначаных праблем затрымкі з афармленнем праектна-каштарыснай дакументацыі, недахопы ў засваенні сродкаў і фінансаванні работ. А таксама зрушэнне па першых двух прычынах графікаў рамонту. Разам з тым будаўнікі і камунальнікі запэўніваюць, што гадавы план будзе выкананы ў поўным аб'ёме.

Энергабяспека ферм забяспечана

149 дызель-генератарных установак паступілі ў АПК рэгіёна і размеркаваны па гаспадарках. 83 з іх стацыянарныя, 66 – перасоўныя, могуць транспартавацца па меры неабходнасці на патрэбныя аб'екты малочна-таварных і іншых вытворчасцяў. Іван Крупко даручыў забяспечыць захаванасць гэтага абсталявання, яго эфектыўнае выкарыстоўванне на працягу ўсяго эксплуатацыйнага тэрміну.

Разабралі таксама тэму зваротаў грамадзян у органы ўлады, асаблівую ўвагу надалі скаргам, якія знаходзяцца на кантролі працяглы час. Як прыклад, разгледзелі судовую цяжбу жыхароў двух шматпавярховых дамоў на вуліцы Мазурава ў Гомелі з будаўнічай арганізацыяй. Пасля заканчэння гарантыйнага тэрміну ў дамах сталі выяўляцца розныя дэфекты, у тым ліку расколіны ў сценах. У сувязі з зацягваннем рамонту сітуацыя толькі пагаршалася. У выніку губернатар паставіў перад будаўнікамі задачу рэзка паскорыць аднаўленчыя работы, у сціснутыя тэрміны даць справаздачу ў ліквідацыі дэфектаў.

Абмеркавалі і пытанні зямельнай амністыі – легалізацыі самавольна занятых зямельных участкаў грамадзянамі. Як высветлілася, актыўнасць у насельніцтва нізкая, людзі не спяшаюцца афармляць неабходныя дакументы. Пакуль работа па паўторным паведамленні ўладальнікаў участкаў працягваецца, яна завершыцца 1 лістапада.