Кадравы дзень у аблвыканкаме: узгоднена назначэнне кіраўнікоў сельгаспрадпрыемстваў

Кандыдатаў на пасады ў розных галінах узгадніў старшыня аблвыканкама Іван Крупко.

Начальнікам Чачэрскай раённай ветэрынарнай станцыі стане Мікалай Еўдакіменка. Выпускнік Віцебскай ордэна «Знак Пашаны» дзяржаўнай акадэміі ветэрынарнай медыцыны працаваў ветурачом сельгаспрадпрыемстваў і станцыі, працаваў таксама намеснікам начальніка ветстанцыі, выконваў абавязкі кіраўніка.

Віктар Ваянец узгоднены на пасаду дырэктара КСУП «Камсамольск» Рэчыцкага раёна. Інжынер па адукацыі, ён мае вялікі вопыт працы ў галіне, займаў розныя пасады на сельгаспрадпрыемствах рэгіёна.

Дырэктарам СУП «Агра-Кароткавічы» Жлобінскага раёна будзе Кірыл Крышнёў, які да гэтага выконваў абавязкі кіраўніка. Працуе ў сельскай гаспадарцы каля васьмі гадоў, быў удзельнікам Школы маладога кіраўніка. 

ААТ «Мормаль» Жлобінскага раёна ўзначаліць Яўгеній Чарняўка. Мае вялікі вопыт працы ў сельскай гаспадарцы, апошні тыдзень часова выконваў абавязкі дырэктара прадпрыемства.

Падоўжаны таксама кантракты з начальнікам аддзела землеўпарадкавання Лельчыцкага райвыканкама Андрэем Зелянкоўскім, дырэктарам КЖРЭУП «Савецкае» Сяргеем Сазанцом, дырэктарам ААТ «Гандлёвы дом «Сож» Аляксеем Кулакевічам.