Улада
Кадравы дзень у аблвыканкаме: новыя дырэктары каледжаў і галоўны рэдактар веткаўскай раёнкі
10.09.2024
Кандыдатаў на пасады ў розных галінах узгадніў старшыня аблвыканкама Іван Крупко.
На пасаду дырэктара Буда-Кашалёўскага аграрна-тэхнічнага каледжа ўзгоднены Мікалай Адашкевіч. Працаваў на розных пасадах у сістэме адукацыі і органах па НС, апошнія пяць гадоў быў дырэктарам Чачэрскага дзяржаўнага тэхнічнага каледжа.
Дзмітрый Каян стане дырэктарам Чачэрскага дзяржаўнага тэхнічнага каледжа. З 2010 года працуе ў сістэме адукацыі, выдатна зарэкамендаваў сябе ў рабоце, карыстаецца аўтарытэтам у дзяцей.
Кіраўнік рэгіёна ўзгадніў кандыдатуру Уладзіміра Елісеева на пасаду галоўнага рэдактара газеты "Голас Веткаўшчыны". Займаў пасаду намесніка старшыні Кастрычніцкага райвыканкама.
Гомельскі дзяржаўны каледж будаўнікоў узначаліць Мікалай Курашоў. Больш за 20 гадоў адпрацаваў у каледжы, апошняя займаемая пасада – намеснік дырэктара.