Кадравы дзень у аблвыканкаме: новы дырэктар ЗЛіНа і галоўны рэдактар рагачоўскай раённай газеты

Кандыдатаў на пасады ў розных галінах узгадніў старшыня аблвыканкама Іван Крупко.

Ігар Сцяпанаў стане дырэктарам УСП «СлаўМол» Гомельскага раёна. Ён ужо некалькі месяцаў выконвае абавязкі кіраўніка, бачыць перспектывы развіцця прадпрыемства. 

На пасаду выканаўчага дырэктара КСУП "Балотня" Рагачоўскага раёна ўзгоднены Аляксандр Луцай. Кандыдат выконвае абавязкі кіраўніка сем месяцаў, за гэты час у гаспадарцы назіраецца станоўчая дынаміка ў дасягненні прагнозных паказчыкаў.

Галоўным рэдактарам рэдакцыі рагачоўскай газеты "Свабоднае слова" будзе Жанна Шэбашава. Да гэтага працавала журналістам і намеснікам галоўнага рэдактара. Чалавека, які лепш ведае працу рэдакцыі, знайсці складана – ахарактарызавалі кандыдата калегі.

Губернатар узгадніў кандыдатуру Мікалая Панфіленка на пасаду дырэктара Гомельскага завода ліцця і нармалей. Ён працуе на прадпрыемстве з 2010 года, з 2018-га – галоўным інжынерам. Ставіць амбіцыйныя планы: асваенне новых рынкаў збыту, мадэрнізацыя завода, паляпшэнне якасці прадукцыі. 

Заключаны таксама новыя кантракты з дырэктарам КСУП "Козенкі-Агра" Мазырскага раёна Сяргеем Сінькевічам, галоўным дзяржаўным ветэрынарным урачом Брагінскага раёна Сяргеем Свірыдавым.

Падоўжаны кантракты з выканаўчым дырэктарам ААТ "Бумажкова-агра" Акцябрскага раёна Іванам Луцковічам, дырэктарам комплексу па перапрацоўцы і пахаванні таксічных прамысловых адходаў Гомельскай вобласці Сяргеем Баравым.