Улада
Кадравы дзень у аблвыканкаме: на «Камінтэрне» новы генеральны дырэктар
04.11.2024
Кандыдатаў на пасады ў розных галінах узгадніў сёння старшыня аблвыканкама Іван Крупко.
На пасаду ўпраўляючага справамі Лоеўскага райвыканкама ўзгоднена Анжэла Петрачова. У кандыдата вышэйшая эканамічная адукацыя, стаж работы – больш за 35 гадоў, з іх 21 год – у дзяржкіраванні.
Начальнікам аддзела землеўпарадкавання Лоеўскага райвыканкама будзе Віталій Ахраменка. З 2022 года працуе ў аддзеле, сітуацыю ў раёне ведае, мае вялікі вопыт.
Таццяна Літвіновіч узгоднена на пасаду генеральнага дырэктара ААТ «Камінтэрн», да гэтага працавала намеснікам кіраўніка прадпрыемства.
Заключаны таксама новы кантракт з выканаўчым дырэктарам КСУП «Абарона краіны» Рэчыцкага раёна Аляксандрам Мікалуцкім, падоўжаны кантракт з начальнікам Гомельскай гарадской ветэрынарнай станцыі Дзмітрыем Астапенкам.