Улада
Кадравы дзень у аблвыканкаме
26.12.2023
Кандыдатаў на пасады ў розных галінах узгадніў старшыня аблвыканкама Іван Крупко.
Галоўным ветэрынарным урачом, начальнікам Петрыкаўскай раённай ветстанцыі назначаны Ігар Траяноўскі. Новы кіраўнік у 2017 годзе скончыў Рэчыцкі аграрны каледж, працоўную дзейнасць пачынаў на пасадзе ветурача Петрыкаўскай раённай ветстанцыі, пасля працаваў у аддзеле дыягностыкі і барацьбы з туберкулёзам абласной ветлабараторыі, апошнія некалькі месяцаў быў намеснікам галоўнага ўрача і выконваў абавязкі начальніка Петрыкаўскай раённай ветэрынарнай станцыі. Паралельна вучыцца ў Віцебскай акадэміі ветэрынарнай медыцыны.
На пасаду галоўнага спецыяліста галоўнага ўпраўлення гандлю і паслуг аблвыканкама ўзгоднены Дзмітрый Сцепаненка, а галоўным спецыялістам галоўнага фінансавага ўпраўлення назначана Таццяна Ізмайлава. Вядучым рэферэнтам камітэта ідэалагічнай работы і па справах моладзі абласнога выканаўчага камітэта стане Дзмітрый Корж.
Кантракт прадоўжаны дырэктару ААТ "ММУ Нафтазаводмантаж" Максіму Чавусу і галоўнаму дзяржаўнаму санітарнаму ўрачу Жыткавіцкага раёна Леаніду Бялко.