Кадравы дзень у абласным выканаўчым камітэце

Кандыдатаў на пасады ў розных галінах узгадніў сёння старшыня абласнога выканаўчага камітэта Іван Крупко.

На пасаду дырэктара РДСУП «Беларуснафта-Асобіна» Буда-Кашалёўскага раёна ўзгоднены Мікалай Балабановіч. Паўгода працаваў на пасадзе першага намесніка дырэктара птушкафабрыкі, выконваў абавязкі дырэктара. За гэты час паказчыкі прадпрыемства палепшыліся, усе працэсы знаходзяцца пад кантролем. 

Аляксей Шаставец будзе дырэктарам ААТ «Мазырскі аўтарамонтны завод». Працуе на прадпрыемстве з 1999 года, прайшоў шлях ад слесара да намесніка дырэктара.

Дырэктарам ЗАТ «Гомельскі вагонабудаўнічы завод» стане Аляксандр Навуменка. З 2004 года ён працуе на прадпрыемстве на розных пасадах, на сённяшні дзень выконвае абавязкі кіраўніка прадпрыемства. 

– Вывучыце даручэнні, якія былі дадзены папярэдняму дырэктару. Яны павінны быць выкананы, – рэзюміраваў Іван Крупко.