Жніво збожжавых пачалося. На нарадзе ў аблвыканкаме абмеркавалі асаблівасці пачатку страды, гатоўнасць тэхнікі, іншыя пытанні аграпрамысловага комплексу

На асаблівым кантролі губернатара Івана Крупко – гатоўнасць да кампаніі збожжаўборачных камбайнаў.

Як падкрэсліў кіраўнік рэгіёна, усю збожжаўборачную тэхніку неабходна адрамантаваць на 100%, тэрмін – адзін-два дні. Паскорыцца патрэбна ў Буда-Кашалёўскім, Гомельскім, Жыткавіцкім, Лельчыцкім, Лоеўскім, Рагачоўскім раёнах вобласці.

Калі паломка крытычная, аднаўленне немагчыма, адзначыў губернатар, трэба спісваць тэхніку. Не адкладаючы. Механізатараў, якія  вызваліліся, падключаць да іншых відаў работ.

Старшыні аблвыканкама Івану Крупко далажылі і аб гатоўнасці зернесушыльнай гаспадаркі. Праблемныя пытанні вырашаюцца, паломкі спешна ліквідзіруюць.

На Гомельшчыне стартавала ўборка збожжавых. Першая культура на чарзе – гэта азімы ячмень. Да страды прыступілі ў Добрушскім, Жлобінскім, Мазырскім, Рагачоўскім і шэрагу іншых раёнаў.

Як адзначыў губернатар Іван Крупко, ураджай трэба не толькі сабраць, але і забяспечыць яго захаванасць.

На нарадзе разгледзелі таксама вынікі другога ўкосу траў. Умовы надвор'я, падкрэсліў губернатар, дазваляюць паскорыць кашэнне. Большай аддачы ў касьбе чакаюць ад аграрыяў Брагінскага і Буда-Кашалёўскага раёнаў.