З ініцыятывамі малога бізнесу азнаёмілася дэлегацыя Гомельшчыны ў Карагандзе

Першай у маршруце стала прыватная кампанія «Сарыарка Нан Караганды», якая вырабляе хлебабулачную прадукцыю, кандытарскія вырабы.

Канкурэнцыя на рынку сёння вялікая, але прадпрыемства імкнецца здзіўляць пакупніка вялікім асартыментам і прыцягваць якаснымі інгрэдыентамі.

Для гасцей з Гомельскай вобласці правялі экскурсію па цэхах, дзе расказалі пра тэхналогіі вытворчасці хлеба розных гатункаў, стварэнне дэсертаў са смакам «з дзяцінства».

У Карагандзе дэлегацыя наведала таксама прадпрыемства «Еўразіян Фудэ» па вырабе алейна-тлушчавай прадукцыі.