Умацоўваем сяброўства гарадоў і дэпутатаў: шэраг пагадненняў падпісалі прадстаўнікі Гомельшчыны на Форуме рэгіёнаў

Дакументпадпісалі член Савета Рэспублікі, старшыня абласнога Савета дэпутатаў Кацярына Зянкевіч і старшыня Бранскай абласной Думы Валянцін Субот у рамках работы секцыі "Развіццё міжрэгіянальнага супрацоўніцтва як важнейшы напрамак забеспячэння паступальнага развіцця Саюзнай дзяржавы" ў Полацку.

– Міжпарламенцкія пагадненні заключаюцца на аснове гістарычных дружалюбных адносін, а ў выніку садзейнічаюць развіццю і ўмацаванню прамых гаспадарчых, культурных, прававых, гуманітарных і іншых сувязей паміж рэгіёнамі з мэтай павышэння ўзроўню жыцця і дабрабыту насельніцтва, – адзначыла Кацярына Зянкевіч.

Пагадненне аб устанаўленні пабрацімскіх адносін паміж гарадской акругай горад Салават Рэспублікі Башкартастан і Мазырскім раёнам падпісана таксама ў Полацку.

Яшчэ адзін дакумент, які падпісаны сёння ў Полацку на палях Форуму рэгіёнаў, – аб супрацоўніцтве і ўзаемадзеянні Гомельскай асацыяцыі мясцовых Саветаў дэпутатаў і Асацыяцыі "Саветмуніцыпальных утварэнняў Бранскай вобласці".