Умацоўваем будоўлю і памяць: губернатары Гомельскай і Бранскай абласцей сустрэліся на сумесным эканамічным форуме

Рабочая праграма эканамічнага форуму пачалася з сустрэчы губернатараў Бранскай і Гомельскай абласцей Аляксандра Багамаза і Івана Крупко.   

– Больш за 60% нашага тавараабароту прыпадае на Беларусь, трэць – на Гомель-скую вобласць. Калі ў першым форуме ўдзел прымала дваццаць прадпрыемстваў, то ў цяперашнім – больш за сто, – адзначыў губернатар Бранскай вобласці Аляксандр Багамаз.

Кіраўнік расійскага рэгіёна падзякаваў калегам з Беларусі за сумеснае будаўніцтва жылля і прапанаваў падключацца да ўзвядзення іншых аб'ектаў і капітальнага ра-монту дамоў. Аляксандр Багамаз запрасіў гомельскую дэлегацыю на светкаванне Дня вызвалення Бранскай вобласці ад нямецка-фашысцкіх захопнікаў 17 верасня.

– Дзякуй Бранскай зямлі за гасціннасць. Упэўнены, што як і ў папярэднія гады, у рам-ках форуму мы зможам раскрыць патэнцыял сумесных магчымасцяў. Сёння таксама пройдзе пасяджэнне нашай сумеснай рабочай групы па супрацоўніцтве, абмяркуем узаемадзеянне па розных напрамках, якія хочам развіваць. У ваш рэгіён сваю пра-дукцыю пастаўляюць каля 180 прадпрыемстваў Гомельшчыны, – падкрэсліў у рамках сустрэчы з расійскім калегам старшыня Гомельскага аблвыканкама Іван Крупко. 

Кіраўнік рэгіёна падзякаваў партнёрам за супрацоўніцтва ў будаўнічай сферы і за-прасіў бранскую моладзь на экскурсіі па патрыятычным маршруце, куды ўваходзіць наведванне мемарыялаў паўднёвага ўсходу Беларусі. 

– Запрашаю дзелавыя і бізнес-колы Браншчыны на Гомельскі эканамічны форум, – падагульніў Іван Крупко.