Эканомiка
Удабрэнні ўжо ўносяць, пры пацяпленні пачнуць сеяць: гатоўнасці тэхнікі ў гаспадарцы «Хутар-Агра» праверыў Юрый Назараў
04.03.2025
Кіраўнік спраў Прэзідэнта, упаўнаважаны кіраўніка дзяржавы ў Гомельскай вобласці Юрый Назараў і старшыня аблвыканкама Іван Крупко наведалі сельскагаспадарчае прадпрыемства «Хутар-Агра» Светлагорскага раёна.
Кіраўнікі праверылі гатоўнасць тэхнікі да вясновых палявых работ. Большасць машын і агрэгатаў тут адрамантавалі сваімі сіламі, закупілі яшчэ дзве адзінкі. На 100% пройдзены тэхагляд. Гаспадарка гатова прыступіць да пасяўной як толькі дазволіць надвор'е.
Сельгаспрадпрыемства ўжо пачало ўнясенне ўдабрэнняў, пры павышэнні тэмпературы паветра аграрыі выведуць на палі пасяўную тэхніку.
У рамках візіту Юрый Назараў і Іван Крупко таксама азнаёміліся з умовамі ў рамонтных майстэрнях мехдвара: цяпер тут аднаўляюць тэхніку, якая не выкарыстоўваецца ў пасяўной.