У Петрыкаве праходзіць відэаселектарная нарада па ўборачнай кампаніі ў вобласці

Удзел у нарадзе прымае кіраўнік спраў Прэзідэнта Юрый Назараў, па відэасувязі з Гомеля – старшыня аблвыканкама Іван Крупко.

На дадзены момант прыбраны азімыя свірэпіца, ячмень і рапс. Штодзённы збор збожжавых каласавых культур складае 13 тысяч тон. План выкананы на 63%. Намалочана 357 тысяч тон. Для завяршэння ўборкі патрабуецца 12 дзён. У лідарах Жыткавіцкі раён (больш за 80%).

Больш за 15 тысяч тон збожжа ўжо пастаўлена ў лік дзяржзаказу. Пастаўленая задача забяспечыць дзяржзаказ да 15 жніўня, адзначалася, што яна будзе выканана.

Па тэхніцы – няма ніводнага камбайна з прастоем больш за два дні. Забяспечанасць машынамі і механізатарамі стопрацэнтная.

Разабралі і пытанні пасяўной. Увосень плануецца пасеяць азімы рапс на плошчы не менш за 70 тысяч гектараў. Плошчы пад рапс, "чорнае золата аграрыяў", ужо падабраны. Задачу па забеспячэнні насеннем гаспадаркі обя-зуются выканаць. Сяўба стартуе з 1 жніўня, завяршыць яе плануецца 25 жніўня.

"Чаму такія расцягнутыя тэрміны?" – такое пытанне паставіў Юрый Назараў.

АПК Гомельшчыны супрацоўнічае з Інстытутам земляробства ў Жодзіне, рэкамендацыі па сяўбе далі вучоныя.

Памочнік Прэзідэнта – інспектар па Гомельскай вобласці Юрый Горлаў, які прыняў удзел у нарадзе, падкрэсліў, што кіраўнікі павінны дакладна разумець, як забяспечыць план па ўборцы і сяўбе культур. У прыватнасці, ён акцэнтаваў увагу на сяўбе азімага рапсу.

– У кожнага кіраўніка на стале павінна ляжаць пакрокавая тэхналогія вырошчвання рапсу. Мы бачым, што вобласць забяспечана ўгнаеннямі, палівам, насеннем, сродкамі абароны, трэба толькі ўзяць і зрабіць, – адзначыў Юрый Горлаў.