Эканомiка
Старшыня аблвыканкама Іван Крупко сустрэўся з уладальнікамі тэкстыльных кампаній з Кітая
26.03.2024
Кіраўнікі тэкстыльных фабрык прыехалі ў Гомель, каб павіншаваць калектыў ААТ "Камінтэрн" са 105-годдзем.
З Іванам Крупко прадстаўнікі дэлегацыі абмеркавалі і іншыя пытанні.
– Нашы лідары выказалі ўзаемны высокі ўзровень даверу. Мы вельмі цэнім сяброўства з КНР. Прэзідэнт Беларусі паставіў нам дакладную задачу: на ўсіх узроўнях па розных напрамках трэба выбудоўваць партнёрства паміж краінамі, – падкрэсліў губернатар.
Старшыня аблвыканкама прадставіў гасцям патэнцыял рэгіёна. У першую чаргу Гомельшчыну цікавіць супрацоўніцтва ў пытаннях лясной і сельскай гаспадаркі, хімічнай вытворчасці, у галіне харчовай прамысловасці.
Ван Мінцзянь, Ху Шыцінь, Ю Хаюн падзякавалі старшыні аблвыканкама за цёплы прыём і падзяліліся планамі аб далейшым супрацоўніцтве не толькі ў пытаннях швейнай вытворчасці, але і па іншых напрамках.
– Кропак сутыкнення шмат, было б жаданне. Гомельская вобласць уразіла нас, у вас працавітыя людзі, выдатныя дарогі, добрая лагістыка. Прыехалі нездарма. Думаем, у нас усё наперадзе, – выказалі меркаванне прадстаўнікі дэлегацыі з Кітая.