Эканомiка
На нарадзе па пытаннях сельскай гаспадаркі палічылі ўсе сады на Гомельшчыне
30.10.2024
Забеспячэнне насельніцтва краіны свежай пладова-ягаднай прадукцыяй высокай якасці – адна з асноўных задач аграрыяў рэгіёна. На гэтым зрабіў акцэнт старшыня аблвыканкама Іван Крупко на пасяджэнні, прысвечаным развіццю садоўніцтва.
На сённяшні дзень у вобласці чатыры тысячы гектараў пладова-ягадных насаджэнняў, пры гэтым не ўсе з іх рэальна прадуктыўныя. Горш за іншых ураджайнасць у старых садах, закладзеных у 90-я гады, яны патрабуюць раскарчоўкі.
Каб скараціць аб'ёмы закупак садавіны і ягад у іншых рэгіёнах, у найбліжэйшыя гады на Гомельшчыне будзе праведзена закладка новых пладовых насаджэнняў. У 2021–2023 гадах гаспадаркамі і фермерамі закладзена 29,6 гектара садоў, у 2024 годзе – пяць гектараў.
У рамках нарады разгледзелі магчымасць па закладцы садоў з улікам сховішчаў і досведу працы паспяховых прадпрыемстваў, распрацавалі план пасадкі на наступны год.
Забеспячэнне галіны жывёлагадоўлі збожжам на час зімова-стойлавага перыяду – яшчэ адно з пытанняў нарады на чале з губернатарам Іванам Крупко і з удзелам старшынь райвыканкамаў.
– Збожжа ёсць, яго трэба размеркаваць паміж раёнамі да зярнятка, правёўшы дакладныя разлікі па патрэбам. Тады камбікармамі будуць забяспечаны ўся жывёла, – ставіць задачу старшыня аблвыканкама.
За зімова-стойлавы перыяд 2024/2025 года на Гомельшчыне неабходна атрымаць 80,5 тысячы тон жывёлы і птушкі, атрымаць 447,4 тысячы тон малака.