На кантролі губернатара. У Светлагорскім раёне ўзводзяць новы МТК на 600 галоў дойнага статка

Будаўніцтва малочна-таварнага комплексу ў гаспадарцы "Хутар-Агра" вядзецца з лістапада мінулага года.

Комплекс узводзяць будаўнікі УКБ Светлагорскага раёна. Будоўля разбіта на чатыры чэргі. У рамках 1-й работы фактычна завершаны, аб'екты, сярод якіх даільна-малочны блок, здадуць у снежні бягучага года. У гэтым жа месяцы здадуць 2-ю і 4-ю чэргі. Зараз будаўнікі актыўна займаюцца аздабленнем фасадаў і памяшканняў.

3-я чарга – гэта кароўнік для сухастойнага статка – будзе здадзена ў маі 2026-га.

Комплекс разлічаны на 1050 кароў, з іх 600 галоў дойнага статка.

Як адзначыў дырэктар УКБ Светлагорскага раёна Аляксандр Казлоў, даільна-малочны блок ужо гатовы да мантажу абсталявання, хутка на ім пачнуцца пусканаладачныя работы.

Няма сумненняў, сучасны высокатэхналагічны МТК адчувальна падыме вытворчыя паказчыкі гаспадаркі "Хутар-Агра".