Моцныя машыны! Гасцям з Чэлябінска прадэманстравалі, як працуюць Гомельскія камбайны ў полі

Другі дзень на Гомельшчыне для дэлегацыі Чэлябінскай вобласці пачаўся ў полі. Сельскагаспадарчую тэхніку, вырабленую ў паўднёва-ўсходнім рэгіёне Беларусі, гасцям прэзентавалі ў рабоце. 

Збожжаўборачныя камбайны «Гомсельмаша», трактары на гусенічным ходзе Мазырскага машынабудаўнічага завода – беларускія вытворцы ў полі Буда-Кашалёўскага раёна паказалі як хадавыя мадэлі, так і навінкі. 

Губернатар Чэлябінскай вобласці Аляксей Тэкслер змог апрабаваць адзін з самых папулярных і ўніверсальных камбайнаў – GS2124, за рулём якога праехаў разам са старшынёй Гомельскага аблвыканкама Іванам Крупко. Прадукцыйнасць дадзенай мадэлі – мінімум 24 тоны ў гадзіну і вышэй, яна мае гібрыдную схему абмалоту, што забяспечвае высокую якасць абмалоту і мінімізуе страты збожжа. 

Спецыялісты з паўднёваўральскага рэгіёна высока ацанілі магчымасці прадстаўленай сельгастэхнікі і абмеркавалі з кіраўніцтвам Гомельшчыны яе пастаўкі. 

На выставе сельскагаспадарчай тэхнікі гасцям з Паўднёвага Урала прапанавалі таксама камбайны Саюзнай дзяржавы, якія сабраны з камплектуючых Беларусі і Расіі. Гэта мадэлі JH800 і 12А1PRO. Такія машыны падыходзяць не толькі для буйных гаспадарак з высокай ураджайнасцю, але і для сярэдніх, дробных, апошняй таксама цікавяцца фермеры. Гэта простая ў кіраванні і даступная тэхніка, найбольш прымальная для сённяшняй ўраджайнасці. 

Акрамя таго, Аляксей Тэкслер асабіста апрабаваў навінку «Гомсельмаша», якая яшчэ праходзіць выпрабаванні, – мабільны сродак. Універсальная машына выкарыстоўваецца на апрацоўцы глебы і на нарыхтоўцы кармоў, на яе можна агрэгатаваць практычна ўсе навясныя прылады. 

– Моцная машына! – даў ацэнку Аляксей Тэкслер.