Эканомiка
Губернатары Гомельскай вобласці і Прыморскага краю Іван Крупко і Алег Кажамяка правялі перагаворы ва Уладзівастоку
12.08.2024
Як падкрэсліў старшыня Гомельскага аблвыканкама Іван Крупко, трывалыя сувязі паміж рэгіёнамі наладжаны, але нам ёсць куды рухацца.
Гомельшчына зацікаўлена ў больш цесных кантактах у сферы машынабудавання, хімічнай прамысловасці, дрэваапрацоўкі.
У сваю чаргу Алег Кажамяка выказаў упэўненасць у далейшым умацаванні ўзаемаадносін. У Прымор'і ўжо вызначаюць пляцоўку для гандлёвага дома, дзе будуць прадаваць беларускія тавары.
Абмяркоўвалася і пашырэнне культурных сувязей, кантактаў моладзі. Агучаныя планы па арганізацыі тураў для школьнікаў Прымор'я па мемарыялах Беларусі.
Губернатару Прыморскага краю быў уручаны юбілейны знак "80 год вызвалення Гомельскай вобласці". Прадстаўнікі Прымор'я прынялі прапанову і пацвердзілі ўдзел у Гомельскім эканамічным форуме ў верасні.