Эфектыўная пляцоўка для ўзаемавыгаднага супрацоўніцтва: Іван Крупко выступіў на пленарным пасяджэнні Форуму рэгіёнаў

– Мы супрацоўнічаем у рамках 37 дагавораў на ўзроўні абласцей, яшчэ 90 пагадненняў заключаны паміж гарадамі і раёнамі. Прычым толькі за мінулы год падпісана 16 такіх дакументаў, што сведчыць аб дынамічным развіцці міжрэгіянальнага супрацоўніцтва, – назваў лічбы губернатар.

У прыватнасці, адзначыў кіраўнік рэгіёна, моцныя адносіны склаліся з Бранскай вобласцю, Башкартастанам, Прыморскім краем, Арлоўскай вобласцю. Наладжаны партнёрскія сувязі з Кіраўскай, Магаданскай, Курскай і іншымі абласцямі. За апошнія тры гады аб'ём тавараабароту з Расійскай Федэрацыяй павялічыўся з 308 да 646 мільярдаў расійскіх рублёў. Узаемадзейнічаем у сельскай гаспадарцы, будаўніцтве, турызме, маладзёжнай палітыцы.

– Гэты год для Беларусі знакавы – мы адзначаем 80-годдзе вызвалення РэспублікіБеларусь ад нямецка-фашысцкіх захопнікаў. У Гомельскай вобласці назапашаны ўнікальны вопыт захавання гістарычнай памяці, выхавання жывога пачуцця гісторыі, – падкрэсліў Іван Крупко. – У 2022 годзе разам з губернатарам Бранскай вобласці Аляксандрам Васільевічам Багамазам адкрылі пасля рэканструкцыі мемарыял «Партызанская крынічка». У снежні 2023 года з удзелам дэлегацыі з Арлоўскай вобласці – мемарыял у памяць ахвяр Азарыцкага лагера смерці.

Кіраўнік рэгіёна адзначыў, што захаванне гістарычнай праўды, наша памяць пра герояў павінны фарміраваць далейшую мадэль сацыяльнай і прамысловай палітыкі супрацоўніцтва рэгіёнаў.