Дэлегацыя з Гомельскай вобласці наведала бранскую ферму

Вопыт бранскіх калег у жывёлагадоўлі вывучае дэлегацыя з Гомельскага рэгіёна.

Перш за ўсё старшыня аблвыканкама Іван Крупко і яго першы намеснік Дзмітрый Петражыцкі пабывалі на ферме буйной рагатай жывёлы ТАА "Бранская мясная кампанія" ва Унецкім раёне.

У цэнтры ўвагі – тэхналагічныя працэсы ўзнаўлення, выгулу жывёлы і вырошчвання маладняку. Абердзін-ангуская парода, з якой атрымліваюць мармуровую ялавічыну, добра пераносіць маразы, таму ўтрыманне буйной рагатай жывёлы на ферме адбываецца пад адкрытым небам: летам – на пашы, з восені па вясну – у зімніках. Усе працэсы камп'ютарызаваны, работнікі фермы фактычна не займаюцца папяровай працай, інфармацыя аб кармленні, ветэрынарных працэдурах і ўзважванні заносіцца аўтаматычна на агульны сервер.

Пагалоўе ўдаецца захоўваць практычна поўнасцю, падзёж мінімальны.

– Будзем рады бачыць вас на Гомельскай зямлі, каб знайсці магчымасці для супрацоўніцтва, – Іван Крупко запрашае кіраўніка кампаніі ў паўднёва-ўсходні рэгіён Беларусі.