Дамоўленасці ёсць, далей у справу ўступае рабочая група: старшыні аблвыканкама Іван Крупко сустрэўся з губернатарам Кіраўскай вобласці Аляксандрам Сакаловым

– Мы бачым, што аснова далейшага ўзаемадзеяння – моцнае міжрэгіянальнае супрацоўніцтва, дзякуючы якому мацней будзе станавіцца Саюзная дзяржава. Сёння нам трэба згуртавацца і разам працаваць. Кропак для ўзаемадзеяння вельмі многа,– выказаў упэўненасць Іван Крупко.

У агульным аб'ёме экспарту ўдзельная вага паставак у Расію – 84%. За апошнія тры гады расце тавараабарот як з Расійскай Федэрацыяй у цэлым, так і з Кіраўскай вобласцю ў прыватнасці, падкрэсліў кіраўнік рэгіёна. Ёсць перспектывы супрацоўніцтва ў станкабудаванні, дрэваапрацоўцы, сельскай гаспадарцы.

Старшыня аблвыканкама запрасіў расійскіх калег на Гомельскі эканамічны форум.

Агульная структура вытворчасці дае вялікія магчымасці для кааперацыі Гомельскай і Кіраўскай абласцей. Такое меркаванне падчас размовы з журналістамі выказаў Аляксандр Сакалоў:

– Будзем развіваць пытанні, звязаныя з кааперацыяй, дзе ў нас ёсць агульныя кампетэнцыі. Неабходна прадумаць стварэнне сумесных праектаў, якія маглі б прасоўваць на сусветным рынку. Гэта станкабудаванне, хімічныя ўгнаенні, дрэваапрацоўка. Спадзяюся, у вас будуць запатрабаваны кампетэнцыі па падрыхтоўцы інжынераў-станкабудаўнікоў. Зацікаўлены таксамаў набыцці сельскагаспадарчай тэхнікі.

Магчыма таксама развіццё супрацоўніцтва ў галіне фармацэўтыкі і будаўніцтва.

Кіраўнікі дамовіліся аб стварэнні рабочай групы, якая больш дэталёва прапрацуе ўсе пытанні ўзаемадзеяння рэгіёнаў.