Стагоддзе назад гэтую жанчыну ведалі не толькі на Лоеўшчыне, але і далёка за яе межамі. Ёй давялося жыць у складаныя гады канца 19 – пачатку 20 стагоддзя, у часы рэвалюцыйных узрушэнняў і войнаў. Але гэта адмоўна не паўплывала на яе погляды і характар. Яна засталася сама сабой. Жанчына вялікага розуму, з моцным характарам, дзелавітая і настойлівая, надзвычай прыстойная і справядлівая. Гэта яна – графіня Кацярына Бараноўская, апошняя ўладальніца Суткоўскага маёнтка і шыкоўнага палаца на маляўнічым беразе Дняпра (зараз Лоеўскі раён).

ТРК ГОМЕЛЬ