Жыхароў і гасцей Гомеля запрашаюць наведаць II Гульні краін СНД, уваход бясплатны

Ужо ў гэтыя выхадныя абласны цэнтр прыме маштабную спартыўную падзею. У Лядовым палацы пройдуць спаборніцтвы па дзюдо.

Гомельшчыну прадставяць восем спартсменаў: Кіра Нікіценка, Марыя Бардашэвіч, Дар'я Пацай, Вераніка Краўчанка, Валерыя Рабцава, Даніла Мельнікаў, Раман Кузняцоў і Данііл Касухін, расказалі ва ўпраўленні спорту і турызму аблвыканкама. З беларусамі будуць спаборнічаць прадстаўнікі Расіі, Арменіі, Таджыкістана, Узбекістана, Казахстана, Туркменістана, Азербайджана і Манголіі.

Расклад спаборніцтваў наступны:

5 жніўня ў 10.00 выступяць юнакі ў вагавых катэгорыях да 50, 55, 60 і 66 кілаграмаў, а таксама дзяўчаты – да 40, 44, 48 і 52 кілаграмаў. У 16.00 адбудуцца фінальныя паядынкі.

6 жніўня ў 10.00 будуць спаборнічаць юнакі ў вагавых катэгорыях да 73, 81, 90 і звыш 90 кілаграмаў і дзяўчаты – да 57, 63, 70 і звыш 70 кілаграмаў. У 15.00 пройдуць фінальныя паядынкі.

7 жніўня будуць паядынкі сярод каманд: у 10.00 – кваліфікацыйныя, у 15.00 – фінальныя.

Урачыстае адкрыццё адбудзецца ў Лядовым палацы 5 жніўня ў 15.00.Прыходзьце пабалець за нашых, гледачоў чакае сапраўднае свята спорту. Уваход вольны.