Мінінфарм расказаў, дзе можна паглядзець трансляцыі ІІ Гульняў краін СНД

Балельшчыкі ў поўным аб'ёме змогуць убачыць трансляцыі з арэн ІІ Гульняў краін СНД, якія пройдуць з 4 па 14 жніўня ў Беларусі. Аб гэтым БЕЛТА паведамілі ў Міністэрстве інфармацыі.

На афіцыйным сайце гульняў belarus2023games.by паказ спаборніцтваў пройдзе ў фармаце інтэрнэт-трансляцый. Акрамя таго, большую частку спаборніцкай праграмы (14 відаў спорту) можна будзе ўбачыць у эфіры нацыянальных тэлеканалаў "Беларусь 5", АНТ і СТБ.

Урачыстыя цырымоніі адкрыцця і закрыцця спаборніцтваў плануецца паказаць у эфіры "Беларусь 1".