Захоўваем у сэрцах вялікі подзвіг: на плошчы працы ў Гомелі прайшоў урачысты мітынг

– Для нас 3 ліпеня не толькі знамянальная гістарычная дата вызвалення нашай Радзімы, але і кропка адліку станаўлення беларускай дзяржаўнасці. Самым суровым экзаменам на мужнасць і трываласць для беларусаў стала Вялікая Айчынная вайна, – адзначыў старшыня аблвыканкама Іван Крупко. –Больш за мільён нашых суайчыннікаў знаходзіліся ў шэрагах Чырвонай Арміі. На акупіраванай тэрыторыі мужна змагаліся больш за чатырыста тысяч партызан і каля сямідзесяці тысяч падпольшчыкаў. Нізкі паклон усім, хто са зброяй у руках змагаўся супраць фашызму і дапамагаў абараняць нашу Айчыну ў тыле і на акупіраваных тэрыторыях.

Губернатар Кіраўскай вобласці Расіі Аляксандр Сакалоў падкрэсліў, што беларускі і рускі народы былі братамі і сябрамі на працягу ўсёй нашай гісторыі, так будзе і надалей.

– Я ганаруся знаходзіцца побач з вамі ў дзеньгэтага цудоўнага свята. Наперадзе нас чакаюць доўгія гады супрацоўніцтва, дружбы і канструктыўнага развіцця нашых рэгіёнаў, – дадаў Аляксандр Сакалоў.

Удзельнік Вялікай Айчыннай вайны Аэліта Самсонава пераканана ў тым, што мы павінны памятаць савецкіх людзей як адзіную сям'ю. Шанаваць ратныя подзвігі не толькі Чырвонай арміі, але і тых, хто дзейнічаў на акупіраванай тэрыторыі і вёў актыўную барацьбу з захопнікамі. Тых, хто сваімі залатымі рукамі, творчай працай і нястомнай энергіяй зрабілі ўсё, каб наша краінаадрадзілася з руін і квітнела год ад года.

Да Вечнага агню ля брацкай магілы савецкіх воінаў і падпольшчыкаў былі ўскладзены вянкі і кветкі.