Сустрэча, падчас якой абмеркавалі пытанні выбарчай кампаніі, прайшла па ініцыятыве пракурора вобласці Віктара Марозава.

На мерапрыемстве прысутнічалі работнікі пракуратуры вобласці, Гомеля і Гомельскага раёна, а таксама Гомельскай транспартнай пракуратуры.

Аляксандр Ткачоў расказаў аб трансфармацыі выбарчай сістэмы пасля рэферэндума 2022 года. Азнаёміў з асаблівасцямі выбараў дэпутатаў у адзіны дзень галасавання, а таксама аб навацыях выбарчага заканадаўства.

– Пасля 25 лютага пройдуць выбары ў Савет Рэспублікі, а пазней будзе сфарміраваны склад Усебеларускага народнага сходу – вышэйшага прадстаўнічага органа народаўладдзя Рэспублікі Беларусь, які будзе вызначаць стратэгічны напрамак развіцця грамадства і дзяржавы, – сказаў Аляксандр Ткачоў.

Пракурор Гомельскай вобласці Віктар Марозаў звярнуў увагу на тое, што асобам, у дачыненні да якіх абрана мера стрымання ў выглядзе зняволення пад вартай, упершыню дадзена права прымаць удзел у галасаванні. Даў указанне начальніку аддзела па наглядзе за выкананнем заканадаўства органамі крымінальна-выканаўчай сістэмы і прымусовага выканання Сяргею Зайцаву забяспечыць прысутнасць пракурорскага работніка ў следчым ізалятары падчас правядзення датэрміновага галасавання і ў адзіны дзень галасавання, расказала старшы памочнік пракурора вобласці Таццяна Віннікава.