Важная падзея адбылася дзясяты раз і аб'яднала 256 чалавек з 14 універсітэтаў.

Навукоўцы, педагогі, аспіранты, навучэнцы ўстаноў адукацыі ўсіх ступеней абмеркавалі пытанні ўзаемадзеяння ВНУ з Беларускай праваслаўнай царквой. Пагаварылі таксама аб культурна-гістарычнай спадчыне беларускага народа, духоўна-маральным і патрыятычным выхаванні моладзі.

– Студэнты факультэта завяршылі другі этап праекта "Гісторыя краіны ў гісторыі маёй сям'і". На днях выйшла кніга "Дзеці вайны", у якой апублікаваны сямейныя гісторыі нашых студэнтаў. Яны запісалі ўспаміны сваіх бабуль і дзядуль, якія дзецьмі перажылі вайну. Важная праца будзе працягнутая: рыхтуем цыкл выданняў "Пакаленне пераможцаў". Сёння асабліва важна выхоўваць у падрастаючага пакалення павагу да мінулага, беражліва яе захоўваць і будаваць будучыню, грунтуючыся на лепшых традыцыях і дасягненнях нашай краіны, – падкрэсліла падчас пленарнага пасяджэння дэкан філалагічнага факультэта МДПУ імя І. П. Шамякіна Таццяна Сымановіч.

Душэўная размова з удзельнікамі дыскусіі атрымалася ў старшыні парафіяльнай рады парафіі ў гонар Усіх Святых протаіерэя Фёдара Поўнага.

Духоўнік адзначыў, што падобныя сустрэчы ўзаемаабагачаюць і даюць сведчанне аб тым, што праваслаўе – гэта не толькі вера, вобраз і чынапаследаванне, але і светапогляд.

– Кожны час каштоўны па-свойму. Калі Бог нам давярае жыць на пэўным часовым адрэзку, значыць, ён чагосьці ад нас чакае. Трэба жыць па сумленні, не разбураць свой унутраны свет і заўсёды памятаць пра Бога. Часам дастаткова аднаго малітоўнага ўздыху – сапраўднага, з глыбіні душы, каб пераважыць чашу гневу ў адносінах да таго, як жыве свет. Мы павінны дзякаваць Богу за тое, дзе і як мы жывем, асабліва на фоне таго, што адбываецца вакол нас, – зрабіў акцэнт Фёдар Поўны.

Акрамя пленарнага пасяджэння ўдзельнікаў чакала праца ў секцыях і паездка ў гімназію Калінкавічаў.