У адкрыцці прыняў удзел старшыня аблвыканкама Іван Крупко.

Праграма абнаўлення сістэмы аховы здароўя знаходзіцца на кантролі кіраўніка дзяржавы, падкрэсліў губернатар:

– Забеспячэнне высакакласным і высокаэфектыўным абсталяваннем ідзе па дакладна спланаванай праграме. Зусім нядаўна каля 600 пацыентаў з Лельчыцаў для пацвярджэння дыягназаў накіроўвалі ў Мазыр і Гомель. Сёння ўсе будуць прымацца на месцы. Не сумняваюся, што ўзровень аховы здароўя ў вас паднімецца на новы ўзровень.

За апошнія тры гады ў мясцовую бальніцу прыбылі 40 сярэдніх медыцынскіх работнікаў і сем урачоў, адзначыў кіраўнік рэгіёна:

– Думаю, што і замацаванне маладых спецыялістаў з такім абсталяваннем у вас вырасце.

На сённяшні дзень на Гомельшчыне працуюць 24 апараты КТ, чатыры МРТ і чатыры ангіёграфы.

Сучасны шматзрэзавы камп'ютарны тамограф беларускай вытворчасці дае магчымасць выконваць усе неабходныя даследаванні грудной клеткі, галаўнога мозга, органаў брушнай паражніны і малога таза, касцей і мяккіх тканін, пазваночніка, даследаванні з ўнутрывенным полюсным кантраставаннем. Паскарае працэдуру магчымасць зрабіць 64 зрэзы, а іх мінімальная таўшчыня дазваляе больш дэталёва праводзіць дыягностыку. 

У кабінеце КТ працуюць адзін урач-рэнтгенолаг і тры лабаранты, яшчэ адзін лабарант – на навучанні. Спецыялісты прымаюць у сярэднім пятнаццаць чалавек за дзень, працуюць пяць дзён у тыдзень. У выпадку экстраннай сітуацыі можна выклікаць урача ў выходныя дні і ўначы. Калі раней пацыенты стаялі ў чарзе ад двух да трох тыдняў, то зараз праходзяць даследаванне на працягу аднаго-двух дзён.

Новы рэнтген-апарат замест класічных здымкаў дазваляе зрабіць лічбавую здымку. Пры гэтым доза апраменьвання для пацыента мінімальная. Рэжым падбірае сам апарат у залежнасці ад года нараджэння і камплекцыі чалавека. З дапамогай абсталявання можна атрымаць усе неабходныя рэнтгенаграфіі.

Пры выяўленні трывожных званочкаў пацыента могуць адразу накіраваць на КТ і выставіць канчатковы дыягназ. Нагрузка на рэнтген вялікая, спецыялісты прымаюць жыхароў усяго раёна ў дзве змены з 7.30 да 20.00. Чалавеку імкнуцца аказаць максімальна ўсю неабходную дапамогу.