Маладыя інаватары прадставілі 40 аўтарскіх распрацовак у 10 намінацыях.

Як адзначыла першы сакратар абласнога камітэта БРСМ Юлія Ліпоўская, з кожным годам праекты падаюць не менш цікавыя, чым у папярэднія гады. Больш стала распрацовак у тэхнічнай і экалагічнай сферах. Сярод экспертнага журы ёсць і пераможцы абласных этапаў мінулых гадоў, прадстаўнікі адукацыі, бізнесу, банкаўскай сферы. Галоўная мэта – адкрыць новыя імёны, вылучыць наватарскія ідэі, падтрымаць таленавітых дзяцей і паказаць свету перспектыўныя распрацоўкі беларускай моладзі.

За гады рэалізацыі праекта «100 ідэй для Беларусі» каля 400 праектаў Гомельшчыны ўвайшлі ў фінал, з іх амаль 30 сталі пераможцамі. Рэалізуюцца не толькі яны, але і тыя, хто на рэспубліку не прайшоў. Ёсць добры вопыт, калі рабяты спрабуюць атрымаць перамогу два ці нават тры разы запар. Напрыклад, найбольшую колькасць распрацовак за апошнія тры гады прадставілі навучэнцы Гомельскага машынабудаўнічага каледжа.

Сярод іх – Іван Герасімаў і Раман Свірко, якія прадставілі на суд журы сістэму кантролю з функцыяй кіравання з мабільнай установы «Страж». Распрацоўка дазваляе аўтаматызіраваць працэс работы шлагбаўма пры ўездзе і выездзе са стаянкі або гаражнага кааператыва. А мабільнае прылажэнне – хутка і зручна аплаціць паслугу. Гэта і зніжэнне выдаткаў на персанал, і эканомія часу, а яшчэ бяспека і павышэнне прапускнога рэжыму.

Два месяцы патраціла на свой праект навучэнка гэтага ж каледжа Дар'я Кракадзеева – праграмнае забеспячэнне рэканструкцыі індывідуалізаваных доз апраменьвання, якія выкарыстоўваюцца ў даследаванні па выяўленні радыяцыйна-індывідуальных захворванняў.

Васьмікласнік Светлагорскай школы № 12 Уладзіслаў Мішчанка прэзентаваў пояс для дапамогі невідушчым або людзям са слабым зрокам. Пры з'яўленні перашкоды на іх шляху, няхай гэта будзе люк, яма, сцяна ці бардзюр, прыбор падае гукавы сігнал.

Дзевяцікласніца з Рагачоўскай школы № 5 Ксенія Абрамава абараняла сваю распрацоўку – аўтаматызаваную цяпліцу ў сялекцыі раслін. Яна дазваляе дакладна кантраляваць тэмпературу, вільготнасць, узровень асвятлення, а таксама колькасць неабходных пажыўных рэчываў для раслін. Усё гэта прыводзіць да стабільнага росту і развіццю саджанцаў.

Група аўтараў працавала над адукацыйным праектам "Капілка гісторыка". На абласным этапе пра яго расказалі маладыя настаўнікі гісторыі і грамадазнаўства гомельскай школы № 38 Іван Жыгалаў і Уладзіслаў Казакоў. Першапачаткова сайт капілка-гісторыка.бел быў закліканы дапамагаць дзевяцікласнікам падрыхтавацца да іспытаў па гісторыі Беларусі, але пазней праект стаў пашырацца. Туды ж увайшлі матэрыялы для падрыхтоўкі да цэнтралізаванага экзамену і тэсціравання па прадмеце. Акрамя сайта ёсць і дадатак. Усё гэта суправаджаецца клікабельнымі спасылкамі, фота і відэакантэнтам, які аўтары ствараюць самастойна. За два гады існавання сайт атрымаў больш за пяць мільёнаў праглядаў.

Пераможцамі абласнога этапу 14-га сезона маладзёжнага праекта «100 ідэй для Беларусі» сталі Раман Жыгалаў за праект  «Капілка гісторыка», Таццяна Кудан, Лізавета Балюк і Савелій Берговіч за праект «Eureka». Таксама перамогу атрымалі Яўгеній Яўсееў за праект «Міскантус Гіганцкі на радыеактыўна забруджаных землях», Максім Быкаў – праект «Стэнд магнітнапарашкавага кантролю цэльнакатаных колаў для чыгуначнага саставу», Ілля Шаўлоўскі – праект «Энергааммартызатар». Свае распрацоўкі на рэспубліканскім узроўні прадставяць Кірыл Дзмітрачкоў, Анастасія Ясонава і Ілля Янчанка – праект «Аўтаномны беспілотны комплекс як сродак агляду ліній электраперадач», Арцём Заяц – праект «Chemistry Lab VR», Міхаіл Кананенка – праект «Выкарыстанне адходаў кукурузы ў энергетычных мэтах», Уладзіслаў Мішчанка – праект «Рабатызаваны пояс для дапамогі невідушчым людзям», а таксама Аляксей Кліменка – праект «Настольныя аўтарскія дыдактычныя гульні». Жадаем поспеху!