Ва ўрачыстай цырымоніі адкрыцця прынялі ўдзел старшыня аблвыканкама Іван Крупко, старшыня СК Беларусі Дзмітрый Гара, начальнік упраўлення СК па Гомельскай вобласці Сяргей Удовікаў.

– З сённяшняга дня следчыя будуць працаваць у больш камфортных умовах, і гэта справядліва. Ад якасці вашай працы залежыць фарміраванне ў грамадстве пазітыўнага меркавання аб прымаемых дзяржавай мерах у барацьбе са злачыннасцю. Вы пераканаўча даказалі прафесійную грунтоўнасць. Следчыя ва ўзаемадзеянні з праваахоўнымі органамі вядуць паступальную работу па расследаванні і раскрыцці цяжкіх злачынстваў. Ступень вашай адказнасці велізарная, вы не маеце права на памылку, – падкрэсліў Іван Крупко.

Корпус па вуліцы Рабочай, 15, абласнога цэнтра перадалі аддзелу летам 2023 года, тады ж пачалася мадэрнізацыя. За гэты час будаўнікі замянілі дах, абсталявалі цеплавы пункт і электрашчытавую, выканалі гідраізаляцыю падмурка, уцяплілі фасад, капітальна адрамантавалі памяшканні. Устаноўлена відэаназіранне, сігналізацыя, сістэма кантролю кіравання доступу. Прадугледжана безбар'ернае асяроддзе.

Тут будуць працаваць супрацоўнікі 2-га следчага аддзялення Гомельскага гарадскога аддзела СК Беларусі. Для іх створаны ўсе неабходныя ўмовы: спецыяльныя памяшканні для правядзення следчых дзеянняў з затрыманымі, для захоўвання крымінальных спраў, канферэнц-зала, зручныя кабінеты, трэнажорная зала, пакой прыёму ежы.

– Большую частку жыцця мы праводзім на службе, а часам суткамі без сну і адпачынку. Можна сказаць, што гэта наш нават не другі, а першы дом. Калі ёсць камфортныя ўмовы, хочацца працаваць і да чагосьці імкнуцца. Дзякуй кіраўніку дзяржавы за пастаянны клопат і падтрымку, ацэнку нашай працы і разуменне яе значнасці. Дзякую і старшыні аблвыканкама, без губернатара нічога гэтага не было б. Дасягнення самых вялікіх вышынь, паважаныя калегі! – пажадаў супрацоўнікам Дзмітрый Гара.