Плануецца, што будынак будзе сяміпавярховым, дзе размесцяцца прыёмны пакой, гісталагічная лабараторыя, палаты па напрамках, у тым ліку рэанімацыйныя, аперацыйны блок з самым сучасным абсталяваннем.

Запраектавана і паркоўка на 80 месц. Корпус будзе звязаны галерэямі з харчаблокам і галоўным будынкам анкалагічнага дыспансера. 

З ходам будаўніцтва азнаёміўся старшыня абласнога выканаўчага камітэта Іван Крупко. Задача губернатара будаўнікам – у першую чаргу ўзвесці каробку хірургічнага корпуса: «Паспрабуйце справіцца з гэтымі работамі за год. Далей – унутранае аздабленне і ўстаноўка абсталявання. Будынак павінен з'явіцца ў сціслыя тэрміны, пры гэтым немагчыма парушаць будаўнічыя нормы».