На тэрыторыі АУС адміністрацыі Цэнтральнага раёна пасадзілі больш за 50 маладых дрэў. 

Удзел ва ўрачыстым мерапрыемстве бралі прадстаўнікі кіраўніцтва вобласці і горада, праваахоўнікі Гомельшчыны, члены ваенна-патрыятычных клубаў і навучэнцы СШ № 72.

– Гомельская міліцыя за свой багаты баявы шлях выканала ўсе пастаўленыя задачы. Упэўнены, што і ў далейшым з гэтымі задачамі яна будзе поўнасцю спраўляцца, – адзначыў першы намеснік міністра ўнутраных спраў Беларусі Юрый Назаранка. – Новая алея – сімвал памяці аб супрацоўніках, якія забяспечылі нам мірнае неба над галавой цаной свайго жыцця. 

Напярэдадні 105-гадовага юбілею жадаю кожнаму супрацоўніку міліцыі Гомельшчыны моцнага здароўя, шчасця і дабрабыту.

Юрый Назаранка і начальнік УУС аблвыканкама Аляксандр Шастайла адкрылі сімвалічны знак гомельскім міліцыянерам, пасля чаго госці мерапрыемства высадзілі маладыя дрэвы.