ЦВК: у Беларусі акрэдытавана 27 790 нацыянальных наглядальнікаў

Кіраўніцтва ЦВК Беларусі абмеркавала са старшынямі тэрытарыяльных і акруговых выбарчых камісій актуальныя пытанні падрыхтоўкі выбараў у адзіны дзень галасавання. Аб гэтым БЕЛТА паведамілі ў Цэнтральнай выбарчай камісіі.

"Цяпер ЦВК Беларусі акрэдытавала 122 міжнародныя наглядальнікі. Сур'ёзна пачала працаваць доўгатэрміновая місія наглядальнікаў СНД. Прадаўжаюць паступаць заяўкі на акрэдытацыю ад міжнародных наглядальнікаў, якія прыедуць на кароткатэрміновае назіранне", - расказаў старшыня Цэнтральнай выбарчай камісіі Ігар Карпенка.

Акрамя таго, адзначыў Ігар Карпенка, у Беларусі акрэдытавана 27 790 нацыянальных наглядальнікаў. "Гэта лічба з улікам усіх узроўняў камісій, пачынаючы ад цэнтральнай і заканчваючы ўчастковымі, якія былі сфарміраваны і пачалі работу", - падкрэсліў ён. Старшыня ЦВК таксама звярнуў увагу, што ў рэгіёнах праводзяцца трэнінгі з участковымі камісіямі.